«Дұрыс тамақтану – денсаулық кепілі» оқушыларға арналған баяндама

№114 жалпы білім беретін мектепте қыркүйек айында «Дұрыс тамақтану – денсаулық кепілі» тақырыбында мектеп медбикесі Усупова Г.С. оқушыларға арнап баяндама оқыды. 

Баяндаманың мақсаты – оқушыларға дұрыс тамақтанудың маңызын түсіндіру, денсаулықты нығайтуға бағытталған пайдалы кеңестер беру және салауатты өмір салтын қалыптастыру.

Медбике оқушыларға күнделікті тағам рационында ақуыз, дәрумендер мен минералдардың жеткілікті болуы жайында түсіндіре отырып, газдалған сусындар мен фастфудты азайту, көкөніс пен жемісті көбірек тұтыну қажеттігін айтты. Сонымен қатар дұрыс тамақтанудың иммунитетті күшейтетінін, оқу үлгеріміне оң әсер ететінін атап өтті.

Баяндаманы оқушылар қызығушылықпен тыңдап, өз сұрақтарын қойып, пайдалы ақпарат алды.