"Мейірімді қақпақтар" экологиялық акциясы

114 ЖББ мектебінде «Добрая крышечка» экологиялық акциясы аясында бірқатар жұмыстар атқарылды.
Аталған акцияның негізгі мақсаты – оқушылардың экологиялық мәдениетін қалыптастыру, табиғатты қорғауға деген жауапкершілігін арттыру және қайта өңдеуге жарамды қалдықтарды сұрыптауды үйрету.
Акция барысында білім алушылар, ата-аналар және педагогтар белсенділік танытып, пластикалық қақпақшаларды жинау жұмыстарына атсалысты. Жиналған қақпақшалар белгіленген мекен-жайға тапсырылып, қоршаған ортаны қорғауға өз үлесіміз қосылды.
Сонымен қатар, сынып сағаттары мен түсіндірме жұмыстары жүргізіліп, оқушыларға экологиялық тәрбие берудің маңыздылығы кеңінен насихатталды.
Осындай игі бастамалар арқылы біз табиғатты аялауға, тазалықты сақтауға және қоғамға пайдалы іс жасауға бір қадам жақындай түсеміз.