«Дұрыс тамақтану» тақырыбына арналған сауалнама

№114 ЖББМ-де қаңтар айында 1–11 сынып оқушылары арасында «Дұрыс тамақтану» тақырыбында сауалнама жүргізілді.

Мақсаты:
        Оқушылардың тамақтану әдеттері мен дұрыс тамақтану туралы білім деңгейін анықтау, салауатты өмір салтын қалыптастыруға бағытталған іс-шараларды жоспарлау.

Міндеттері:

• Оқушылардың тамақтану әдеттері мен күнделікті рационын зерттеу;
• Тамақтану мәдениеті мен дұрыс тамақтанудың маңыздылығы туралы түсініктерін анықтау;
• Денсаулыққа пайдалы тамақтану бойынша ұсыныстар жасау.

Сауалнама нәтижелері көрсеткендей, көбінесе қыз балалар таңғы ас ішпейтіні анықталды. Сонымен қатар, оқушылардың көпшілігі қантты тағамдар мен газдалған сусындарды тұтыну жиілігіне қатысты «орташа» немесе «иә» деп жауап берген. Тамақтану әдеттерін жақсарту қажеттілігіне қатысты көптеген оқушылар «ойланамын» немесе «жоқ» деп жауап берген. Дегенмен, балалардың басым бөлігі салауатты өмір салтына қызығушылық танытады және дұрыс тамақтану туралы ақпарат алуға дайын.